Ադրբեջանը ընդլայնել և ամրացրել է Սյունիքի մարզում՝ 2021 թվականի ներխուժումների հետևանքով օկուպացված հայկական տարածքում գտնվող իր ռազմական դիրքերից մեկը։ Այս մասին հայտնել է լրագրող Դավիթ Գալստյանը՝ արբանյակային լուսանկարների վերլուծության հիման վրա։
#Azerbaijan has expanded and fortified a position in occupied territory of #Armenia
1/ 📌 This refers to an Azerbaijani Armed Forces position in Syunik, established during the 2021 incursion. pic.twitter.com/Qu0aq0WJ0Y
— David Galstyan (@Aeternum7) September 5, 2026
Գալստյանի տվյալներով՝ ադրբեջանական դիրքը մոտ երեք կիլոմետր խորությամբ ներթափանցում է Հայաստանի տարածք։ Այս գնահատականը հիմնված է Google Maps-ի տվյալների և 1974 թվականի ԽՍՀՄ Գլխավոր շտաբի քարտեզի վրա։
Հիշեցնենք, որ 2024 թվականի մայիսին Երևանն ու Բաքուն համաձայնել էին սահմանազատումն իրականացնել խորհրդային շրջանի Գլխավոր շտաբի քարտեզների հիման վրա։ Սակայն Ադրբեջանը շարունակում է ամրապնդել իր դիրքերը նաև այն տարածքներում, որոնք այդ քարտեզներով Հայաստանի մաս են կազմում։
2025 թվականի մայիսի և հուլիսի արբանյակային լուսանկարների համեմատությունը ցույց է տալիս, որ այդ ընթացքում ադրբեջանական դիրքն ընդլայնվել է։ Ավելի ուշ արված լուսանկարներից երևում է, որ աշխատանքները շարունակվել են նաև դրանից հետո։
Դիրքը գտնվում է Հայաստանի ամենանեղ հատվածներից մեկում, որտեղ մինչև Նախիջևանի սահմանը մոտ 26 կիլոմետր է։
Գալստյանը ավելի վաղ հայտնել էր նաև հարավ-արևելքում գտնվող մեկ այլ ադրբեջանական դիրքի ընդլայնման մասին։
