Ադրբեջանական դատարանը Ռուբեն Վարդանյանին դատապարտել է 20 տարվա ազատազրկման՝ Բաքվում անցկացված կեղծ դատավարության արդյունքում։
Վարդանյանը առևվանգվել էր ադրբեջանական իշխանությունների կողմից 2023 թվականի սեպտեմբերին՝ Արցախի հայ բնակչության էթնիկ զտման պայմաններում Արցախից դուրս գալու փորձի ժամանակ և վերցվել էր կալանքի տակ։ Հետագայում նրա դեմ առաջադրվել էին քաղաքականապես շինծու մեղադրանքներ մի դատավարության շրջանակում, որը չէր համապատասխանում արդար դատաքննության հիմնարար չափանիշներին։
Այս ամսվա սկզբին Արցախի այլ նախկին պաշտոնյաներ և քաղաքացիական անձինք ևս դատապարտվել էին 15 տարուց մինչև ցմահ ազատազրկման՝ հարակից կեղծ դատավարությունների շրջանակում։
Ռուբեն Վարդանյանը Արցախի նախկին պետական նախարար է, հայ բարերար և ձեռնարկատեր, որը միջազգային մակարդակով հայտնի է որպես «Ավրորա» մարդասիրական նախաձեռնության համահիմնադիր՝ համաշխարհային հարթակ, որը ճանաչում է այն անձանց, ովքեր իրենց կյանքը վտանգի տակ դնելով փրկում են ուրիշներին ճգնաժամային գոտիներում։ Նա եղել է խոշոր կրթական և զարգացման հաստատությունների հիմնական աջակիցներից, ներառյալ UWC Դիլիջան քոլեջը Հայաստանում, և ավելի քան մեկ տասնամյակ ֆինանսավորել է մարդասիրական, մշակութային և ենթակառուցվածքային նախաձեռնություններ Հայաստանում և Արցախում։
